12. oktober 2014

One Flew Over the Cuckoo's Nest (1975)

Randle McMurphy er ikkje den enklaste personen å ha med å gjera. Han vert sendt frå eit fengsel til eit mentalsjukehus, der dei skal finna ut om han er gal eller ikkje. Han veit kva han vil, han likar å ha kontroll over situasjonen, og han er talefør nok til å diskutera og manipulera kven det skal vera. Nesten.

Dei andre på avdelinga er ei godt samansett forsamling. Dei vert knallhardt styrte av avdelingssjukesystera. McMurphy prøver å få dei andre med på opprør mot ho, med vekslande hell. Ei natt får han overtalt nattevakta til å sleppa inn to kvinner, som godt utrusta med alkohol kjem inn for å gje dei innsette ein fest, før dei har tenkt å rømma til Canada saman med McMurphy og ein indianar. Det går ikkje heilt etter planen.

Det er ein finfin film, som er heilt avhengig av Jack Nicholson i hovudrolla. Han briljerer, og er med i så godt som kvar scene i filmen.

Guffen tilrår.

Ingen kommentarer:

Legg inn en kommentar